التبول الليلى اللاارادى عند الاطفال

هنتكلم النهاردة عن مشكلة التبول الليلى اللاارادى عند الاطفال

اولا احنا بنقول عليها حاله مرضيه بعد 5 سنوات من عمر الطفل لكن قبل 5 سنوات عادى جدا الطفل ممكن يحصله كدا لان 5 سنوات هو السن اللى بيتحكم فيه الطفل فى المثانه البوليه تحكم كامل لكن نسبة 5% من الاطفال بعد 5 سنوات مبيتحكموش فى المثانة كويس والنسبة بين الذكور اكبر من الاناث.

اسبابه ايه:

عدم تدريب الطفل كويس فى حبس البول لحين الدخول الى دورة المياه

تناول كميه كبيرة من الكافيين مثل الشيكولاته والكولا والشاى

شرب كثير من السوائل على مدار اليوم وبالاخص ليلا قبل النوم

حاله الطفل النفسيه تؤثر عليه مثل توبيخ الابوين له او ضربه او احراجه امام اخوته او خوفه من شئ او وجود مشاكل فى الاسرة وغيرها من الضغوط النفسية

او فيه مشاكل عضويه فى المثانة او افراز الهرمون المضاد للتبول فى الدم.

نعالجها الزاى:

الاهتمام بدور الطفل نفسه فى حل المشكله بتشجيعه بالهدايا وعدم توبيخه او عقابه

يجب منع شرب السوائل ليلا قبل النوم بساعة وعدم اكل الشيكولاته او شرب الكولا والشاى ليلا

يجب تبول الطفل قبل النوم ويجب على الابوين ايقاظه بشكل منتظم بالليل لدخول دورة المياه

تناول ملعقة عسل نحل قبل النوم

وان لم ينفع كل ذلك يجب استشارة الطبيب لعمل التحاليل ووصف العلاج المناسب.

وحفظ الله اطفالكم
دكتور/ أحمد البستانى
أطفال وحديثى الولادة