هنتكلم النهارده على برودة الاطراف عند الاطفال والوقاية منها.
برودة الاطراف دى بتحصل نتيجة عدم وصول الدم كويس للاطراف ودى بتحصل بسببين السبب الاول وراثى حد فى العيله عنده قصور فى الدورة الدموية للاطراف او لا قدر الله مرض فى القلب فمبيضخش الدم كويس للاطراف او لا قدر الله مرض السكر برده بيتلف الشعيرات الدموية للاطراف .
اما السبب التانى وده هو الاساس نتيجة لبرودة الجو فى الشتاء فالبرد الشديد بيعمل اختلال للاوعية الدموية فيحصل فيها انقباض فمتوصلش الدم كويس للاطراف فتبرد واحيانا تتورم او تحمر واحيانا متحسش باطرافك وممكن تزرق.
نعالجها ازاى:
لازم يتم تدفئة الجسم كويس وبالاخص الاطراف بلبس الجوارب والقفازات
شرب السوائل الدافئه مثل الزنجبيل والليمون
اكل الفواكه اللى فيها فيتامينc كالبرتقال واليوسفى والليمون
وضع القدمين فى ماء دافئ للتخلص من التورم او الازرقاق
عدم التعرض للالتهابات او الجرح فى الاطراف
ودامت اطفالكم سالمين
دكتور/ أحمد البستانى
أطفال وحديثى الولادة
دكتور/ أحمد البستانى
أطفال وحديثى الولادة
ليست هناك تعليقات:
إرسال تعليق