سؤال لازم كل ام جديدة او ست حامل علي وشك الولادة تعرفه
ايه فايدة تحليل عينة الكعب بتاع الرضع اللي بنعمله في الاسبوع الاول من عمر الطفل؟
اولا احنا بنعمل العينه دي امتي وفين؟
لازم بين 5 الي 7 ايام بعد الولاده في اي وحدة صحية اومركز طب اسرة تابع لوزارة الصحه وببلاش
ثانيا بنعمله ليه اصلا؟
عشان نبحث عن مرضين مهمين وهما نقص هرمون الغدة الدرقية ومرض في التمثيل الغذائي اسمهpku
ثالثا ليه المرضين دول بالتحديد؟
لان المرضين دول بالذات لو طلعوا في الطفل فعلا ولم يكتشفوا من بدري مضاعفاتهم هتكون خطيرة علي مخ الطفل بالتحديد وللاسف بيعيش طول عمره بمشاكل صحية وللاسف مفيش لهم علاج شافي لو لم نبدا العلاج من الشهور الاولي لعمر الطفل
عشان كده بندور عليهم من بدري
طيب لو اتاخرنا عن سابع يوم من عمر الطفل وما عملناش التحليل ده في الصحه ايه اللي هيحصل؟
للاسف هنعمل التحاليل دي في الدم يعني في معمل خارجي عشان نتاكد من عدم وجود المرضين دول وده مكلف جدا
وعشان كده بنقول إن التحليل ده مهم واهماله قد يؤدي الي مأساه طول عمر الطفل لا قدر الله
دكتور/ أحمد البستانى
أطفال وحديثى الولادة
دكتور/ أحمد البستانى
أطفال وحديثى الولادة
ليست هناك تعليقات:
إرسال تعليق